Um daginn var hrekkjavökudagur í Stekkjaskóla. Dagurinn var hinn skrautlegasti og margir voru í skemmtilegum búningum. Sumir voru alveg óþekkjanlegir. Í frístundinni voru síðan ýmsar hræðilegar veitingar sem Krystina í eldhúsinu sá um s.s. bakaðir puttar. Annars var dagurinn hinn skemmtilegasti og vonandi urðu engir nemendur hræddir þennan dag.

Þær gleðilegu fréttir fengust í vikunni að nú styttist í það að skólahúsnæði Stekkjaskóla verði tilbúið. Í næstu viku verður gerð öryggisúttekt á skólahúsnæðinu og í framhaldi af henni mun Heilbrigðiseftirlitið taka húsnæðið út. Þegar allt verður eins og það á að vera verður sótt um starfsleyfi fyrir skólann.  Það styttist því í flutninga í …

Styttist í flutninga Read More »

Hér má sjá matseðil nóvembermánaðar.

Mánudaginn 1. nóvember er starfsdagur í Stekkjaskóla og þá eru starfsmenn að vinna að ýmsum verkefnum og umsjónarkennarar að undirbúa foreldraviðtöl. Einhver foreldraviðtöl eru jafnframt þennan dag eftir hádegi. Þriðjudaginn 2. nóvember er foreldradagur þar sem umsjónarkennarar hitta nemendur ásamt forráðamönnum. Viðtölin fara fram í Bifröst hjá 1. EIK og í Fjölheimum Tryggvagötu 23 (Gamla …

Starfsdagur og foreldradagur, 1.-2. nóvember Read More »

Nemendur í 2. og 3. bekk fengu það verkefni um daginn að teikna örugga staðinn sinn útfrá laginu Myndin hennar Lísu eftir Olgu Guðrúnu Árnadóttur. Verkin hanga til sýnis inni í tónmenntarstofu. Lagið Myndin hennar Lísu er búið að vera óopinbert lag mánaðarins nú í október, svo allir nemendur ættu að kunna að syngja það eða allavega þekkja það. Hér er linkur á undirspil,  ef ykkur langar til þess að syngja lagið með börnunum. Myndin hennar Lísu  Gult fyrir sól, grænt fyrir líf,  grátt fyrir þá sem reka menn út í stríð.  Hvítt fyrir börn, sem biðja um frið  biðja þess eins að fá að lifa’ eins og við.  Er ekki jörðin fyrir alla?  Taktu þér blað, málaðu’ á það  mynd þar sem að allir eiga öruggan stað.  Augu svo blá, hjörtu sem slá  hendur sem fegnar halda frelsinu á.  Þá verður jörðin fyrir alla.  Olga Guðrún Árnadóttir    Við eigum mikla snillinga í skólanum okkar!   Guðný Lára tónmenntakennari