Uncategorized

Mánudaginn 1. nóvember er starfsdagur í Stekkjaskóla og þá eru starfsmenn að vinna að ýmsum verkefnum og umsjónarkennarar að undirbúa foreldraviðtöl. Einhver foreldraviðtöl eru jafnframt þennan dag eftir hádegi. Þriðjudaginn 2. nóvember er foreldradagur þar sem umsjónarkennarar hitta nemendur ásamt forráðamönnum. Viðtölin fara fram í Bifröst hjá 1. EIK og í Fjölheimum Tryggvagötu 23 (Gamla […]

Nemendur í 2. og 3. bekk fengu það verkefni um daginn að teikna örugga staðinn sinn útfrá laginu Myndin hennar Lísu eftir Olgu Guðrúnu Árnadóttur. Verkin hanga til sýnis inni í tónmenntarstofu. Lagið Myndin hennar Lísu er búið að vera óopinbert lag mánaðarins nú í október, svo allir nemendur ættu að kunna að syngja það eða allavega þekkja það. Hér er linkur á undirspil,  ef ykkur langar til þess að syngja lagið með börnunum. Myndin hennar Lísu  Gult fyrir sól, grænt fyrir líf,  grátt fyrir þá sem reka menn út í stríð.  Hvítt fyrir börn, sem biðja um frið  biðja þess eins að fá að lifa’ eins og við.  Er ekki jörðin fyrir alla?  Taktu þér blað, málaðu’ á það  mynd þar sem að allir eiga öruggan stað.  Augu svo blá, hjörtu sem slá  hendur sem fegnar halda frelsinu á.  Þá verður jörðin fyrir alla.  Olga Guðrún Árnadóttir    Við eigum mikla snillinga í skólanum okkar!   Guðný Lára tónmenntakennari 

Það var margt um að vera í námi og leik hjá nemendum 1. EIK í síðustu viku. Í vikubréfi umsjónarkennara, 22. október, stendur m.a. :  Þessa vikuna lék veðrið við okkur og fórum við út í Gesthúsaskóg að leika í skóginum og fótbolta á vellinum. Nokkrir meira að segja lásu úti í skógi. Tveir hópar

Alþjóðlegi bangsadagurinn er miðvikudaginn 27.okt og þann dag mega nemendur Stekkjaskóla koma með einn bangsa sem passar í skólatöskuna og mæta í kósýgalla/náttfötum ef þeir vilja. Nemendum í 1.- 4. bekk er boðið á Bangsadiskó með Vallaskóla í íþróttahúsi Vallaskóla þennan dag.  Föstudaginn 29.okt ætlum við svo að taka forskot á Hrekkjavökuna (e.Halloween) og mæta í grímubúningum (engin vopn eða aukahlutir leyfð), með vasaljós, sparinesti og fernudrykk (nammi, snakk og gos flokkast ekki undir sparinesti). 

Fimmtudaginn 21. október heimsóttu nemendur í 2.-3.ES og starfsmenn Veiðisafnið á Stokkseyri. Páll eigandi safnsins tók á móti hópnum og sagði frá dýrunum. Þar voru m.a. uppstoppaður gíraffi sem hann skaut sjálfur, sebrahestar, nashyrningur, ísbjörn og mörg fleiri dýr. Að heimsókn fór hópurinn í heimsókn til Jóhönnu kennara sem býr á Stokkseyri.

Þann 13. október síðastliðinn var bleikur dagur í Stekkjaskóla þar sem nemendur og starfsmenn mættu í einhverju bleiku eða höfðu eitthvað bleikt á sér.  Bleiki dagurinn er hápunktur Bleiku slaufunnar árlegs árvekni- og fjáröflunarátaks Krabbameins­félagsins tileinkað baráttunni gegn krabbameinum hjá konum.   Það var gaman að sjá bleika litinn sem var ríkjandi í Stekkjaskóla þennan dag. Á meðfylgjandi myndum má sjá nemendur og starfsmenn í hinum bleika tón. Þennan dag færðu stjórnendur

Mánudaginn 11. október fór 4. bekkur í heimsókn á Listasafn Árnesinga í tengslum við verkefnið  Þræðir. Nemendur röltu um safnið og skoðuðu sýninguna Hafið kemst vel af án okkar og feminísku sýningunum Áhrif og andagift með vekum eftir listakonuna Rósku, Iðustreymi og Yfirtaka. Þetta var skemmtilegt verkefni sem má lesa nánar um hér: Þræðir. 

Haustfrí er í grunnskólum Árborgar  fimmtudaginn 14. október og föstudaginn 15. október. Frístund Stekkjaskóla er jafnframt lokuð. Við  í Stekkjaskóla óskum nemendum og forráðamönnum ánægjulegs haustfrís.

Í dag sendu stjórnendur Stekkjaskóla fréttabréf á forráðamenn. Meðal efnis er umfjöllun um stöðu framkvæmda við færanlegu kennslustofurnar, undirbúningur að stofnun foreldrafélags skólans, hverjir eru foreldratenglar, fréttir frá list- og verkgreinakennurum og umfjöllun um áformsbækur og námsmarkmið. Framundan er haustfrí, þ.e. fimmtudaginn 14. október og föstudaginn 15. október. Frístund Stekkjaskóla er jafnframt lokuð. Við óskum

Nemendur og starfsmenn eru mjög ánægðir með matinn sem þeir fá í skólanum. Hér má sjá matseðil októbermánaðar.