Nýjar sóttvarnarreglur tóku gildi 12. nóvember með nýrri reglugerð heilbrigðisráðuneytisins. Sjá hér
Reglugerðin gildir frá 13. nóvember til og með 8. desember 2021.
Skólinn fer yfir á stig sóttvarnasvæða. Nemendur og starfsfólk mega fara á milli svæða en ekki að nauðsynjalausu – sýna skal smitgát.
Helstu áhersluþættir eru eftirfarandi:
- Markmiðið með reglugerðinni ,,er að hægja eins og unnt er á útbreiðslu COVID-19 sjúkdómsins.“
- Skólastarf fer fram í rýmum. Rými er t.d. skólastofa eða hólf í íþróttasal. Nemendur og starfsfólk geta farið á milli rýma í ljósi smitgátar og einnig í sameiginleg rými s.s. anddyri, ganga, salerni og matsali.
- Heimsóknir foreldra og annarra: Mega bara koma inn í skólabyggingar ef brýna nauðsyn ber til. Þá eiga viðkomandi að bera grímu og spritta hendur við komu og brottför.
- Fjölda- og nálægðartakmarkanir gilda í hverju rými skv. eftirfarandi reglum
a. Allir árgangar: Hámark 50 nemendur í hverju rými.
b. Nemendur eru undanþegnir grímuskyldu og eru ekki með neinar fjarlægðartakmarkanir. Starfsfólk inni í viðkomandi rými þarf ekki að bera grímu svo lengi sem það gætir að 1 m fjarlægðarreglu.
c. Starfsfólk almennt: Hámark 50 starfsmenn mega vera í hverju rými og grímuskylda svo lengi sem ekki er hægt að tryggja 1 m regluna sín á milli (Stekkjaskóli er vel innan þeirra marka).
Sjá einnig spurningar og svör um skólastarf og Covid: Stjórnarráðið | Spurt og svarað: skólastarf og COVID-19 (stjornarradid.is.
Það er ljóst að við í Stekkjaskóla getum haldið skólastarfi að mestu óbreyttu.
Sýnum smitgát, góðar persónulegar sóttvarnir og munum að við erum öll almannavarnir.