Fréttasafn
Óskað er eftir þroskaþjálfa, atferlisfræðingi eða öðrum sérfræðingi á sviði uppeldis- og menntunarfræða í 100% starf frá með 1. nóvember eða eftir samkomulagi. Leitað er eftir metnaðarfullum einstaklingi sem starfar í nánu samstarfi við kennara í skóla sem m.a. leggur áherslu á teymiskennslu, teymisvinnu, tækni og skapandi skólastarf.
Viðkomandi sérfræðingur vinnur í stoðþjónustuteymi skólans og veitir m.a. leiðsögn og ráðgjöf til foreldra og annarra starfsmanna. Hann styður við nám og atferlisþjálfun nemenda, í samstarfi við umsjónarkennara, er þurfa á sértækum stuðningi að halda í skólastarfinu og daglegum athöfnum.
Eitt af meginverkefnum sérfræðingsins er sértæk vinna með barn sem þarf mikinn stuðning og atferlisþjálfun.
Umsóknarfrestur er til og með 26. október 2026
Sjá nánar hér.
Skertur dagur – fimmtudaginn 1. október
Haustþing Kennarafélags Suðurlands hefst á Flúðum eftir hádegi og því verður skertur kennsludagur í skólanum.
Skóla lýkur hjá öllum kl. 13:00.
Nemendur í frístund fara eftir skóla í hefðbundið frístundastarf.
Nemendur sem taka „sveitarútuna“ taka hana heim um 13:10 þegar hún hefur sótt nemendur í hina skólana.
Föstudaginn 2. október er starfsdagur í skólanum og því frí hjá nemendum.
Á þinginu verða ýmsir fyrirlestrar og vinnustofur á dagskrá um menntamál. Má þar nefna umfjöllun um gervigreind og nám, vinnustofa um útinám, hvernig hægt er að efla gæði kennslu, fræðsla um fordóma og hatursorðræðu, fjallað um raddheilsu kennara, málþroskaröskun, jákvæða sálfræði og fræðslutorg um kynjafræði og kynjafræðikennslu.
Þess má geta að á föstudeginum verða þrír kennarar Stekkjaskóla með kynningar undir liðnum Líttu þér nær – menntaspjall. Elísabet fjallar um Classroom Screen, Rakel Ýr kynnir nýjar stærðfræðibækur sem hún hefur samið og MMS er að gefa út og Inga Lára kynnir teymiskennslu á yngsta stigi.
Stuðningsfulltrúar og aðrir starfsmenn sinna ýmsum verkefnum í Stekkjaskóla.
Sjá bréf sem fór heim til forráðamanna í dag.
Bestu kveðjur, starfsfólk Stekkjaskóla
Hér fyrir neðan er póstur frá Önnu Kristínu skólahjúkrunarfræðingi er varðar lús, njálg og kláðamaur. Gott að lesa til enda.
Kæru foreldrar og forráðamenn nemenda í Stekkjaskóla,
Nú í upphafi skólaárs vil ég minna á nokkra síður skemmtilega gesti sem þarf að vera á varðbergi gagnvart. Þetta eru tilkynningarskyldir sjúkdómar svo minni á að senda póst eða láta vita með öðrum leiðum ef kemur upp tilvik á ykkar heimili.
Lús getur skotið upp kollinum í hvaða höfði sem er. Mikilvægt er að fylgjast vel með hári barnanna og besta forvörnin er vikuleg kembing. Verði vart við lús í skólanum í vetur verða forsjáraðilar látnir vita svo þeir geti brugðist við. Frekari upplýsingar um höfuðlús má finna hér: https://www.heilsuvera.is/markhopar/sjukdomar-fravik-einkenni/hofudlus/
Njálgur (e. pinworm) er lítill, hvítur hringormur sem er algeng sýking hjá fólki á öllum aldri en algengastur hjá börnum. Njálgssmit er oft einkennalaust (hjá einum af hverjum þremur) en kláði við endaþarm er helsta einkennið. Algengasta smitleiðin er með fingrum og upp í munn, því skiptir höfuðmáli að brýna fyrir börnunum mikilvægi handþvotts og halda nöglum vel snyrtum og stuttum. Ef kemur upp njálgssmit er mikilvægt að meðhöndla alla fjölskylduna samtímis með lyfjum. Barnið má koma aftur í skólann daginn eftir að búið er að meðhöndla með lyfjum. Athugið að endurtaka þarf meðferðina 2 vikur síðar. Bendi á fylgiskjalið fyrir frekari upplýsingar um njálg og einnig á heilsuveru: https://www.heilsuvera.is/markhopar/sjukdomar-fravik-einkenni/njalgur/
Ef upp kemur kláðamaur þarf einnig að láta vita af því. Fyrir frekari upplýsingar um kláðamaur bendi ég á þessa síðu: https://www.heilsuvera.is/markhopar/sjukdomar-fravik-einkenni/kladamaur/
Þá vil ég einnig nýta tækifærið til að benda á þessa síðu á heilsuveru þar sem má finna upptalningu á algengum veikindum barna, bæði ráðleggingar varðandi meðferð og einnig tímaviðmið varðandi hvenær barn má mæta aftur til skóla eftir veikindin. https://www.heilsuvera.is/markhopar/sjukdomar-fravik-einkenni/veikindi-barna/
Hvet ykkur til að hafa samband ef einhverjar spurningar vakna.
Bestu kveðjur,
Anna Kristín
Hjúkrunarfræðingur í Stekkjaskóla
Skóladeginum lýkur því kl. 11:00, nema hjá nemendum í 1.–4. bekk sem eru skráðir í frístund. Þeir verða í skipulögðu frístundastarfi á vegum skólans í umsjá stuðningsfulltrúa þar til frístundaþjónustan tekur við kl. 13:10.
Aðrir nemendur borða ekki hádegismat í skólanum og fara heim strax að loknum skóla kl. 11:00.
Við biðjum foreldra og forsjáraðila að gera viðeigandi ráðstafanir vegna heimferðar þeirra nemenda sem ekki fara í frístund.
Skólarúta GTS sækir nemendur sem nýta hana um kl. 11:05
Með bestu kveðju,
Starfsfólk Stekkjaskóla