Miðvikudaginn 2. júní og mánudaginn 7. júní verða skólakynningar fyrir forráðamenn barna sem fara í Stekkjaskóla næsta haust. Þar munu skólastjórnendur kynna skólastarfið á komandi vetri, húsnæði og skólalóð.
Kynningin fyrir forráðamenn nemenda 1. bekkja verður jafnframt fyrir nemendur í þessum eina árgangi. Kynningin fyrir 1. bekk verður í austurrými Vallaskóla, gengið inn frá Engjavegi og kynningarnar fyrir 2.-4. bekk verða í þjónustumiðstöð aldraðra, nýlegum sal að Grænumörk 5.
Skólakynningarnar verða á eftirfarandi tímum:
Miðvikudaginn 2. júní
Kl. 15:00-16:30 1. bekkur – árgangur 2015
Mánudagurinn 7. júní
Kl. 15:00-16:00 2. bekkur – árgangur 2014
Kl. 16:30-17:30 3. bekkur – árgangur 2013
Kl. 18:00-19:00 4. bekkur – árgangur 2012
Sjá nánar bréf sem fór heim til forráðamanna í dag.
Meðfylgjandi mynd var tekin í dag af framkvæmdum við skólabyggingu Stekkjaskóla að Heiðarstekk 10.