Val í 9. bekk

Tímabil 1: 24. ágúst - 9. október

 Val A

Er kennt á mánudögum og fimmtudögum kl. 11:10-12:30

01 Heimilisfræði

Tímafjöldi: 2x2 kennslustundir í viku í 7 vikur
Kennari: Hilmar Guðlaugsson
Hámarksfjöldi: 12 nemendur

Heimilisfræði er ekki valgrein í A vali. Allir fara í heimilisfræði einu sinni í vetur.

Í þessu valfagi er lögð áhersla á eldamennsku og bakstur í bland.

Farið verður yfir meðhöndlun hráefnis og matvæla, umgengni og þrif á helstu áhöldum í eldhúsinu auk almenns frágangs. Auk þess verur farið yfir tengsl næringar og heilsu ásamt ýmsum þáttum tengdum heimilishaldi.

Í vetur munu nemendur nota vefinn til að finna uppskriftir. Velja sér eitthvað til að elda eða baka og taka sig svo upp. Hluti af námsmatinu í heimilisfræði er myndbandið sem nemendur skila af sér.

Hæfniviðmið

  • Kynnist helsta handbragði í matreiðslu og bakstri.
  • Matreitt einfalda rétti eftir uppskrift og unnið sjálfstætt.
  • Farið eftir leiðbeiningum um hreinlæti og þrif tengdu heimilishaldi.
  • Gert sér grein fyrir helstu kostnaðarliðum við heimilishald og sé meðvitaður um neytendavernd.

Námsmat

Símat og leiðsagnarmat þar sem hæfniviðmið eru metin ásamt vinnusemi, frumkvæði, vandvirkni, umgengni og ábyrgð eru metin.

Mother and teenage kids are preparing homemade pizza for lunch.
Teenage boy is grating cheese, the girl is peeling garlic, and the mother is washing mushrooms.
Shot with Canon R5

 

02 Myndmennt úti og inni

Tímafjöldi: 2x2 kennslustundir í viku í 7 vikur
Kennari: Hildur Þorkelsdóttir
Hámarksfjöldi: 12 nemendur

Kennslan fer fram bæði úti og inni.  Notum mismunandi aðferðir í myndmennt t.d vatnsliti, krítar, mismunandi penna  og ýmislegt fleira.  Leikum okkur með ímyndunaraflið!

Hæfniviðmið:

  • Getur tekið þátt í virku samtali um verk sín við samnemendur og kennara.
  • Unnið hugmynd frá skissu að lokaafurð.
  • notfærir sér miðla í sköpun sinni.

Námsmat:

Leiðsagnar og símat, virkni og þátttaka metin

 

03 Klukka

Tímafjöldi: 2x2 kennslustundir í viku í 7 vikur
Kennari: Þuríður Ingvarsdóttir
Hámarksfjöldi: 12 nemendur

Nemendur hanna og smíða klukku í samráði við kennara.

Hæfniviðmið:

  • Að nemendur noti ólíkan efnivið, timbur, plexigler o.fl. 
  • Að  nemendur vinni hugmynd frá skyssu að tilbúnum hlut 
  • Að nemendur læri að nota verkfæri við hæfi, beita þeim rétt og rétta umhirðu þeirra. 

Námsmat:

Leiðsagnar- og símat.

 

04 Frisbígolf

Tímafjöldi: 2x2 kennslustundir í viku í 7 vikur
Kennari: Magnús Hilmar Viktorsson og Viktorija Riskute
Hámarksfjöldi: 12 nemendur

Við munum fara í frisbígolf á frisbígolfsvellinum hér á Selfossi. Við förum hjólandi frá skólanum, því er mikilvægt að nemendur mæti á hjóli í skólann. Þau sem eiga frisbígolfsdiska mega endilega taka þá með sér en kennarinn verður líka með diska fyrir þá sem koma ekki með sína. 

Skilyrði: Mæta á hjóli/hlaupahjóli

Hæfniviðmið:

  • Að nemendur kynnist frisbígolfi 
  • Læri helstu grip og köst í frisbí 
  • Sýni sjálfstæði og taki ábyrgan þátt í útivist

Námsmat:

Þátttaka og virkni nemenda.

 

Val B

Er kennt á þriðjudögurm kl. 12:30-13:50

01 Myndsköpun og súrrealískar áskoranir

Tímafjöldi: 1x2 kennslustundir í viku í 5 vikur
Kennari: Úlfur Karlsson
Hámarksfjöldi: 18 nemendur

Hefurðu gaman af myndum, furðulegum hugmyndum og því að skapa eitthvað sem kemur á óvart? Í Myndsköpun og súrrealískum áskorunum fá nemendur að kynnast hugmyndum og vinnubrögðum tékkneska listamannsins og kvikmyndagerðarmannsins Jan Švankmajer. Við skoðum hvernig hægt er að gefa hversdagslegum hlutum nýtt líf með því að setja þá í óvænt samhengi, breyta þeim, klippa þá í sundur og skapa úr þeim nýjar og undarlegar hugmyndir.

Nemendur vinna með teikningar, myndir, úrklippur og ýmislegt myndefni og fá tækifæri til að prófa óhefðbundnar leiðir í myndsköpun. Unnið verður meðal annars með klippimyndir og myndasamsetningar þar sem nemendur geta klippt úr teiknimyndablöðum og öðru myndefni, raðað saman á nýjan hátt og skapað eigin persónur, senur og sögur.

Á námskeiðinu verður lögð áhersla á leik, tilraunir og hugmyndaflug fremur en að allt þurfi að vera „rétt“ eða fullkomið. Nemendur fá að kanna hvernig myndir geta sagt sögur án orða og hvernig ólíkir hlutir geta tekið á sig nýja merkingu þegar þeir eru settir saman á óvæntan hátt.

Afrakstur námskeiðsins verður sýnilegur í skólanum. Verk nemenda verða sett upp á veggjum skólans í sameiginlegri sýningu þannig að hægt verði að sjá fjölbreyttan og skapandi afrakstur námskeiðsins að því loknu.

Engin sérstök reynsla er nauðsynleg – bara áhugi á að prófa nýjar hugmyndir, klippa, líma, teikna og sjá hvað gerist þegar ímyndunaraflið fær að ráða.

Hæfniviðmið:

  • Nemandi þróar eigin hugmynd og útfærir hana í skapandi myndverki.
  • Nemandi kynnist óhefðbundnum aðferðum við myndsköpun og beitir hugmyndaflugi í eigin verkefnum.
  • Nemandi getur notað myndir, úrklippur, teikningar og ólík efni til að skapa nýja myndræna merkingu.
  • Nemandi sýnir frumkvæði og þorir að prófa ólíkar leiðir og gera tilraunir í skapandi vinnu.
  • Nemandi metur eigin verk og vinnuferli og tekur við ábendingum sem geta hjálpað við að þróa hugmyndir áfram.
  • Nemandi tekur þátt í sameiginlegri sýningu og getur rætt um eigin verk og skapandi ferli.

Námsmat:

Leiðsagnarmat, símat og sjálfsmat þar sem lögð er áhersla á þátttöku, frumkvæði, hugmyndaflug, tilraunir, úrvinnslu og vinnu við verkefnin. Einnig er horft til þess hvernig nemandi þróar hugmynd sína frá upphafi til loka og tekur þátt í uppsetningu sameiginlegrar sýningar.

Val C

Er kennt á mánudögum kl. 12:30-13:10

01 Stærðfræði - Uppsetning og frágangur

Tímafjöldi: 1 kennslustund í viku í 7 vikur
Kennari: Rakel Ýr Gunnlaugsdóttir
Hámarksfjöldi: 18 nemendur

Í þessu vali verður lögð áhersla á að nemendur læri að setja stærðfræðidæmi upp á skýran, skipulagðan og læsilegan hátt.
Nemendur æfa sig í að sýna útreikninga og lausnaleiðir þannig að auðvelt sé að fylgja hugsun þeirra frá upphafi til enda. Unnið verður með rétta notkun stærðfræðitákna, jafnaðarmerkis, línuskiptinga og annarra þátta sem stuðla að góðum frágangi.
Áhersla verður lögð á að nemendur:
  • setji dæmi upp á skipulegan og læsilegan hátt
  • sýni útreikninga og milliskref
  • noti stærðfræðitákn á réttan hátt
  • læri að skrifa skýrar lausnir
  • vandi frágang og framsetningu
  • geti lesið yfir eigin lausnir og komið auga á hvað mætti bæta
Markmiðið er að nemendur tileinki sér góð vinnubrögð í stærðfræði sem nýtast þeim áfram í námi og hjálpa þeim að koma þekkingu sinni og hugsun skýrt á framfæri.

 

02 Stafsetning og skrift

Tímafjöldi: 1 kennslustund í viku í 7 vikur
Kennari: Agnes Harpa Hreggviðsdóttir
Hámarksfjöldi: 12 nemendur

Í þessu vali verður lögð áhersla á að nemendur styrki stafsetningu sína og þjálfi skýra og vandaða skrift.
Nemendur vinna með algengar stafsetningarreglur og æfa sig í að beita þeim í eigin skrifum. Jafnframt verður lögð áhersla á læsilega rithönd, góðan frágang og að nemendur gefi sér tíma til að lesa yfir og leiðrétta eigin texta.
Áhersla verður lögð á að nemendur:
  • rifji upp og þjálfi helstu stafsetningarreglur
  • æfi algeng orð og orðmyndir
  • þjálfi læsilega og vandaða rithönd
  • vandI uppsetningu og frágang
  • læri að lesa yfir eigin texta og finna villur
  • öðlist aukið öryggi í ritun
Markmiðið er að nemendur tileinki sér góð vinnubrögð við ritun, verði öruggari í stafsetningu og geti skilað frá sér skýrum, læsilegum og vel frágengnum texta.

 

03 Ensk málfræði

Tímafjöldi: 1 kennslustund í viku í 7 vikur
Kennari: Leifur Viðarsson
Hámarksfjöldi: 12 nemendur

We will go through the basics of English grammar and explore some of the most common rules and word categories. We will look at how sentences are built and how different types of words works together. The goal is to improve your understanding of English and help you use it more confidently in both writing and speaking. But before we begin, here is my first question: Can you find the grammatical error hidden in this description?

Áhersla verður lögð á að nemendur:

  • bæti almenna málfræðiþekkingu sína í ensku.
  • Læri helstu reglur og hvernig á að beita þeim
  • tileinki sér reglurnar í riti og máli

Námsmat

Virkni í tímum og sjálfsmat nemenda

Ef þið hafið einhverjar athugasemdir eða spurningar þá vinsamlegast sendið línu á leifur@stekkjaskoli.is